Oktober 16, 2021

UZAK ÝAÝLADA ENÄNIŇ HÜWDÜSI

UZAK ÝAÝLADA ENÄNIŇ HÜWDÜSI

Eýýäm güneş batypdyr,

Aý-da agyl atypdyr,

Garagolja Serdarym,

Süýji uka batypdyr.

Jahyllygyň ýaşynda,

Yşk gaýnar döşünde,

Obamyzyň gyzlary,

Seni görer düýşünde.

 

Ýaryň geler ýanyňa,

Eneň geler zaryňa,

Sen maňa az bakarsyň,

Köp bakarsyň ýaryňa.

Daş oba düşse ýoluň,

Gyş bolsa sagy-soluň,

Ilki eneň ýat eder,

Onsoň ýatlar aýalyň.

Kim serer kak-gurduny,

Kim söýer halk merdini,

Derdiňi men götärin,

Sen göter il derdini.

Bu dünýe ýogy-barym,

Bar myradym, mydarym,

Kötel ýollaň külpetin,

Soň bilersiň, Serdarym!

————–

Gurbannazar Ezizow (Gysgaldylyp alyndy)

Surat: Körpeler üçin sanawaçlar kitapçasyndan

About The Author

Related posts

Leave a Reply

Deine E-Mail-Adresse wird nicht veröffentlicht. Erforderliche Felder sind mit * markiert.