Islärin
Kerem etseň, kadyr alla,
Dünýälikde at islärin.
Talygym¹ ukuda galmyş,
Bir açylgan bagt islärin.
***
Ýoksullyk bir ýaman ýoldur,
Pakyr menem, golum galdyr,
Halal ryzk, bir kesp bildir,
Kimýa² atly ot islärin.
***
Ýalan dünýäde ýörmäge,
Döwlet ber, aşret sürmäge,
Ömür ekläp, gün görmäge,
Segsen ýyl pursat islärin.
***
Pyragy, yşka ugraşdym,
Derýa girdim, möwje³ düşdüm,
Hor galmasyn puştdan-puşdum
Berkarar döwlet islärin.
******
1 Talyg- täleý, ykbal.
2 Kimýa- alhimiýa
3 Möwç- tolkun
