Gurbannazar Eziziň hatyrasyna

“El hünäri il gezermiş, aň hünäri Dünýäni!

Sen Watansyz hasap etme gonup-göçen durnany.”

Gurbannazar Ezizow XX asyr türkmen şahyrlarynyň iň beýikleriniň biridir.

Ol 1940-njy ýylyň Mart aýynda Aşgabat raýonynyň Büzmeýin obasynda dogulýar. 1959-njy ýylda orta mekdebi we 1964-nji ýylda Türkmen döwlet  uniwersitetiniň filologiýa fakultetiniň okuwyny tamamlaýar.

Şahyryň eserleri 1955-nji ýyldan çap bolup başlaýar.

Ol ilki Çagalar edebiýatynyň birleşen neşirýatynyň redaksionunda we 1965 den tä 1970-nji ýyla çenli «Edebiýat we sungat» gazetiniň şygriýet bölüminiň müdiri bolup işleýär.

Şahyr hakda türkmen wikipediýasynda şeýle setirler bar:

“Gurbannazar Ezizow 1975-nji ýylyň 29-njy sentýabrynda Turkmenbaşyda ýaş ýazyjy-şahyrlaryň bütinsoýuz duşuşyklary wagtynda Gazanjyk obasynyň ýanyndaky şossede tragiki ýagdaýda (sowet esgeri tarapyndan atylyp öldürilýär) aradan çykýar…”

“Serpaý” Şahyryň iň soňky goşgusydyr.

…

Söýüň meni siziň sadyk guluňyz,

Soňra menden size galar şeýle paý,

Men size bahasyz serpaý ederin —

Şalaryň elinden gelmejek serpaý.