Agaç ekeni biler, at – bakany.

Akylly başda biler, akmak-başa gelende.

Alma biş, agzyma düş.

Atalar sözi – akylyň gözi.

Aýdyjy akmak bolsa, diňleýji dana gerek.

Aýdylan söz – atylan ok.

Azapsyz ýeriň ady ýok.

Bagşynyňky «haý» bilen, mollanyňky «waý» bilen.

Baş bolmasa, göwre –  läş.

Başyňa düşse, başmakçy bolarsyň.

Batyr ýarasyz bolmaz.

Bilegi ýogyn birini ýykar, bilimi bolan –  müňini.

Bogazy bogmasaň, bogaz düýäni ýuwudar.

Bolsady ekseň,  käşgädi  gögär.

Çaga-da eje diýip aglar, uly-da.

Çakylyksyz baran düşeksiz oturar.

Çaman ördek ir uçar.

Çanak döwügi seplener, ýürek döwügi eplener.

Çopana meýlis haram.

Çöl görki suw, suw görki guw.

Çyn söz kasam islemez.