قالب وردپرس

October 18, 2019

آ. گلی- آنناقوربان قلیچ تقانی نئنگ یاغتی حاطئراسئنا

آ. گلی-     آنناقوربان قلیچ تقانی نئنگ یاغتی حاطئراسئنا

 بی واقت آرامئزدان گیدن توركمن حالقی نئنگ گرچك اوغـلی

 آنناقوربان قلیچ تقانی نئنگ یاغتی حاطئراسئنا

 

1998نجی یئلیئنگ ژوئن آیینگ 10- نینا توركمنینگ ادرمن اوغلی آنناقوربان قلیچ تقانی آرادان چیقدی. اول مرحوم بوتین عمرونی توركمن حالقی نینگ مدنیتینی و دیلینی اؤسدورمکده جانی- تنی بیلن آلادا ادیپ گلدی. باریپ یاشلیق دؤوریندن باشلاپ گنبدقابوس دا “زهره- طاهیر” یالی تئاترلاری یولا قویوپ، بو اوغوردا بار بولان اوقیبینی ایلینه حؤدورلأپدی. 1960- نجی ییللاردا گورگن رادیوسی نینگ آچیلماغی بیلن، ایلكینجی رادیو ایشگأرلریندن بولان مرحوم قلیچ تقانی، توركمن دیلی و مدنیتی نینگ اؤسمگینده هم اونی اؤسدۆرمکده، سینه سینی قالقان ادیپ، دوشمانینگ آبای- سیاساتیندان چكینمأن، آریامهرینگ حاوپسوزلیق قوللوغی بولان “ساواك” ینگ قیسیشلارینا قارامازدان میللی مدنیتیمزی اولی ایله یایماقدا باتیرغای چیقیشلار ادیپ گلدی. مرحوم آنناقوربان قلیچ تقانی 1350- نجی ییلینگ گویزونده ییگریمی سانی اگیندیشی بیلن ساواك ینگ زندانیدا قیناغ آستینا چكیلدی، اندامینا آغیر شكست یتدی. اما اول یری گلنده آیتجاق سؤزونی مردلرچه آیدیپ گلن ییگیتدی. 1357- نجی ییلینگ بهمن آییندا گنبدقابوس ینگ پیشاهنگی سالونیندا تریبونا گچیپ ظالیم پادشالیق رژیمی نینگ گورگن رادیوسی بیلن حالقیمیزا نأحیل باسغی ادیأندیگینی آچیقدان-آچیق اورتا آتیپ، بو رادیو ایستگاه نینگ كوممت قاویزه گچریلمگینی ماصلاحات بردی. 1367- نجی ییللاریندا گورگن رادیوداسیندا بیله ایشلشمك، اونونگ داشیندان بیرنأچه دكومنتال فیلملرده اورتاق ایش آلیپ بارماق مانگا میسر ادیپدی. مرحوم قلیچ تقانی،” توركمن دأبی” و ” گؤزل” دیین فیلملرده اساسی رولی یرینه یتردی. شول دؤورده آننا گونلری افیره بریلیأن”سأحرنینگیز شاولی بولسون” آدلی برنامه دا، یورتداقی یاغدایا تانقیدی دوشونجه بیلن سین ادیپ، اخلاقی تئمالار اساسیندا قیزیقلی گپلشیک تاییارلایاردی. ایل آراسیندا بار بولان اولی حورماتی سبأپلی اول حایسی اوبا بارسا اونگا بوتین قافیلار آچیقدی، ایل اونی گولر یوز بیلن قارشی آلیاردی. اؤز اؤیی بولسا میداما باغشی- سازاندالاردان هم یازیجی شاهیرلاردان دولودی، سفره سی دا، ادیل گؤونی یالی آچیقدی. ادبیات عألمینده یانیپ- كؤین انسان حؤكمینده، آننا قوربان، توركمنصأحرانینگ بللی شاهیری ستار سوقی نینگ كتابینا سؤزباشی یازیپ، اونونگ ایل آراسیندا یایراماغیندا، شئیله- ده آلتی سانی كاست دن عبارات بولان توركمن حالق آیدیملار توپاری نینگ رادیونینگ آرشیوندان آلیپ، اونگا دوشوندیریش یازیپ ایله حؤدورلمگینده كؤپ آلادا ادیپدی. سؤور آقامیز آنناقوربانینگ اؤرأن ایر آرامیزدان چیقماغی بیزی دیسنگ قیناندیردی، اول هنیز-هنیز گركلیدی، نأدرسینگ تاقدیرا چأره یوق.

آ. گلی- سوئد

Related posts

Leave a Reply

Your email address will not be published. Required fields are marked *

%d bloggers like this: